سياسة الخصوصية
«مزارعنا» لعبة مزرعة عائلية للكبار والصغار، على الموقع وتطبيق الآيفون والآيباد. هذي الصفحة توضح وش نحفظ ولماذا.
وش نحفظ؟
- إيميل صاحب الحساب وكلمة مروره (مشفّرة)، عشان الدخول واسترجاع الحساب.
- إذا دخلت بحساب أبل: المعرّف اللي ترسله أبل والإيميل (أو الإيميل البديل اللي تسويه أبل إذا اخترت إخفاء إيميلك). ما نشوف كلمة مرور حسابك عند أبل.
- اسم المزرعة، واسم المستخدم وكلمة المرور للاعبين اللي يضيفهم صاحب الحساب لعياله (من «حسابي» ← «عيالي»).
- تقدّم اللعب: المزرعة والمخزن والفلوس داخل اللعبة والمستوى والحي.
وش ما نسويه؟
- ما فيه إعلانات، ولا تتبّع، ولا بيع أو مشاركة للبيانات مع أي جهة.
- ما نطلب رقم جوال ولا صورة ولا موقعك.
- ما فيه شراء بفلوس حقيقية داخل اللعبة.
- ما فيه محادثة كتابية بين اللاعبين. التواصل بين المزارع ملصقات جاهزة فقط.
اللي يشوفه غيرك
جيرانك في الحي يشوفون اسم مزرعتك ومستواك ومزرعتك. ما يشوفون إيميلك. وإذا فتحت حيّك للكل، يطلع اسم الحي في قائمة الأحياء المفتوحة.
مزارعنا وفلّتنا
مزارعنا من ألعاب فلّتنا. والتطبيقين منفصلين: لكل واحد حسابه وبياناته، وما نشارك بياناتك بينهم.
اللاعبين الصغار
اللعبة مناسبة لكل الأعمار. ننصح إن الصغار يلعبون بحساب يضيفه لهم أحد والديهم من «حسابي» ← «عيالي»، عشان يقدر يتابعه ويرجّع كلمة المرور لو نسوها.
حذف البيانات
تقدر تحذف حسابك وكل بياناته نهائياً من داخل اللعبة: اضغط على اسم مزرعتك فوق ← «حسابي» ← «حذف حسابي». وصاحب الحساب يقدر يحذف مزرعة أي واحد من عياله من «حسابي» ← «عيالي»، ويحذف الحساب كامل من «حذف حسابي».
التواصل
لأي سؤال: [email protected]